Rektor Natalya Karcevskaya: Laçın bizi ilk növbədə öz təbiəti ilə valeh etdi
Laçın, 3 iyun, Gülay Nəzərova, AZƏRTAC
Laçın bizi ilk növbədə öz təbiəti ilə valeh etdi. Eyni zamanda, Azərbaycanın bu regionun inkişafı üçün yatırdığı böyük sərmayə də təqdirəlayiqdir. Biz hesab edirik ki, bu, MDB ölkələrinin nümayəndələri üçün Azərbaycanın incisi sayılan Laçını görmək, ölkənizin mədəniyyəti ilə tanış olmaq üçün nadir fürsətdir.
Bunu AZƏRTAC-a açıqlamasında Belarus Dövlət Mədəniyyət və İncəsənət Universitetinin rektoru Natalya Karcevskaya deyib.
"Düşünürəm ki, Laçının gələcəyi parlaqdır və ümid edirik ki, müxtəlif ölkələrin nümayəndələri buraya dəfələrlə səfər edəcək və azərbaycanlıların qonaqpərvərliyindən zövq alacaqlar", - deyə o qeyd edib.
Bölmənin digər xəbərləri
