“Reuters”: ABŞ və İran arasında razılaşma tezliklə əldə edilə bilər
“Reuters”: ABŞ və İran arasında razılaşma tezliklə əldə edilə bilər
Bakı, 17 aprel, AZƏRTAC
ABŞ və İran arasında razılaşma tezliklə əldə edilə bilər, danışıqlar son mərhələdədir.
AZƏRTAC xəbər verir ki, bu barədə “Reuters” agentliyi Pakistanın təhlükəsizlik sahəsindəki mənbəsinə istinadla məlumat yayıb. Mənbənin sözlərinə görə, tərəflər pərdəarxası diplomatiya çərçivəsində irəliləyiş əldə ediblər və qarşıdakı görüş anlaşma memorandumunun imzalanması ilə nəticələnə bilər. Tam razılaşmanın isə 60 gün ərzində baş verəcəyi gözlənilir.
Agentlik qeyd edir ki, tərəflər artıq prinsipial razılaşmaya nail olublar, texniki detallar isə daha sonra razılaşdırılacaq.
Diplomatik dairələrdəki mənbə “Reuters”ə bildirib ki, Pakistan Silahlı Qüvvələrinin komandanı Asim Munir bir neçə gündür Tehranda danışıqlar apararaq əsas vasitəçi rolunu oynayır və bir sıra mürəkkəb məsələlərdə irəliləyişə nail olub.
Bölmənin digər xəbərləri
