Robert Vişoiu: Azərbaycandakı yarışı səbirsizliklə gözləyirəm
Buxarest, 21 iyun, AZƏRTAC
Formula-2 yarışının İspaniyanın “Campos Racing” komandasının pilotu rumın əsilli Robert Vişoiu Bakıda keçiriləcək Formula-2 mərhələsində iştirak edəcək.
Robert Vişoiu AZƏRTAC-ın Rumıniyadakı müxbirinə verdiyi müsahibədə Azərbaycandakı yarışı səbirsizliklə gözlədiyini bildirib. Pilot Bakı halqasını diqqətlə araşdırdığını və birinci yeri tutacağına ümid etdiyini vurğulayıb. O, Bakı halqası ilə yeni tanış olan pilotlar üçün bu trassın çətin olacağını deyib.
Pilot bildirib ki, Azərbaycan qədim tarixə, füsunkar təbiətə, yüksək inkişaf tempinə malik turizm ölkəsidir. R.Vişoiu ölkəmizə səfərini səbirsizliklə gözlədiyini və Bakıdan xoş təəssüratlarla qayıdacağına əmin olduğunu söyləyib.
İqbal Hacıyev
AZƏRTAC-ın xüsusi müxbiri
Buxarest
Bölmənin digər xəbərləri
