Rubio fransalı həmkarı ilə Rusiya-Ukrayna müharibəsinin danışıqlar yolu ilə həllini müzakirə edib
Vaşinqton, 2 sentyabr, AZƏRTAC
ABŞ Dövlət katibi Marko Rubio Fransanın xarici işlər naziri Jan-Noel Barro ilə telefonla danışıb.
AZƏRTAC-ın Dövlət Departamentinə istinadla verdiyi məlumata görə, tərəflər Rusiya-Ukrayna müharibəsini danışıqlar yolu ilə həll etmək üçün diplomatik səyləri davam etdirmək barədə razılığa gəliblər.
Dövlət katibi Fələstin Dövlətinin birtərəfli şəkildə tanınmasına Birləşmiş Ştatların qəti etirazını çatdırıb və bildirib ki, bu addım HƏMAS-ı 7 oktyabr hadisəsi üçün mükafatlandıracaq və bütün girovların evə qaytarılması səylərinə mane olacaq. İki ölkə rəsmisi İran, Sudan və Konqo Demokratik Respublikasına dair müzakirə aparıblar.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
