“RUHNAMƏ”Nİ KORLAR DA OXUYA BİLƏCƏKLƏR
AZƏRTAC-ın Aşqabaddan aldığı xəbərdə deyilir ki, Türkmənistan Prezidenti Saparmurad Niyazovun “Ruhnamə” kitabını indi korlar da oxuya biləcəklər. Türkmənistan korlar və karlar üçün Dövlət Kitabxanası direktorunun müavini Qurban Berdıquliyev bildirmişdir ki, kitab Türkiyənin “Polimeks” şirkətinin sponsorluğu ilə Brayl şrifti ilə çap edilmişdir. Altı cilddən ibarət “Ruhnamə”nin nüsxələri kitabxananın bütün vilayət filiallarına göndərilmişdir.
Türkmənistan Prezidentinin milli ruhun dirçəldilməsi haqqında tarixi-fəlsəfi əsəri ölkənin bütün təhsil müəssisələrində tədris edilir. Türkmən dilində ilk dəfə 2001-ci ildə nəşr edilən “Ruhnamə” onlarca xarici dillərə çap olunmuşdur. İndi isə Cənubi Afrika Respublikasında zulu dilində nəşrə hazırlanır.
Bölmənin digər xəbərləri
