RUSİYA ƏCNƏBİ DÖVLƏTLƏRLƏ HƏRBİ-TEXNİKİ ƏMƏKDAŞLIĞIN HÜQUQİ BAZASINI TƏKMİLLƏŞDİRİR

18.10.2005 [20:34]
Çap et
A⁺ A^-

AZƏRTAC-ın xüsusi müxbiri xəbər verir ki, Moskvada Rusiya Prezidenti Vladimir Putinin sədrliyi ilə Əcnəbi dövlətlərlə hərbi-texniki əməkdaşlıq komissiyasının iclası keçirilmişdir. Rusiya dövlətinin başçısı bildirmişdir ki, əcnəbi dövlətlərlə hərbi-texniki əməkdaşlıq sahəsində əsas normativ sənədlərin yeni redaksiyada hazırlanması başa çatmışdır. Bu yaxınlarda müvafiq fərman imzalanmışdır və hazırda operativ surətdə bir sıra normativ-hüquqi aktlar qəbul olunmalıdır.

V.Putin bildirmişdir ki, fərmanda Rusiya təşkilatlarına hərbi ixrac hüququ verilməsi qaydası tamamilə dəqiq müəyyən edilmişdir. Sifarişlər, ilk növbədə MDB dövlətlərinin sifarişləri üzrə operativ qərarlar qəbul edilməsinə xüsusi diqqət yetirilmişdir. Bürokratik qərarlar çox ləng hazırlanır və buna görə də biz bazarlarda tez-tez rəqiblərimizə uduzuruq.

Rusiya Prezidenti demişdir ki, yeni sənəd hərbi-texniki sahədə əməkdaşlığın daha səmərəli olması və dünya silah bazarının konyunkturasına tez və çevik münasibət göstərilməsinə imkan yaradılması üçün zəmin yaradır.

Komissiyanın iclasında Rusiyanın ayrı-ayrı ölkələrlə hərbi-texniki əməkdaşlığının uzunmüddətli perspektivləri və müdafiə texnologiyaları sahəsində Rusiyanın intellektual mülkiyyətinin səmərəli müdafiəsinə dair tədbirlər müzakirə olunmuşdur.

RUSİYA ƏCNƏBİ DÖVLƏTLƏRLƏ HƏRBİ-TEXNİKİ ƏMƏKDAŞLIĞIN HÜQUQİ BAZASINI TƏKMİLLƏŞDİRİR

MÜƏLLİFLƏ ƏLAQƏ

Bölmənin digər xəbərləri