RUSİYA HƏRBİ BAZALARININ GÜRCÜSTANDAN ÇIXARILMASI NEÇƏYƏ BAŞA GƏLƏCƏK?

19.01.2004 [13:48]
Çap et
A⁺ A^-

AZƏRTAC-ın müxbirinın Moskvadan verdiyi xəbərə görə, Rusiya xarici işlər nazirinin birinci müavini Valeri Loşşinin “Mayak” radioşirkətinə müsahibəsində bildirmişdir ki, Rusiya hərbi bazalarının Gürcüstandan çıxarılması yüz milyonlarla dollara başa gələ bilər. O demişdir: “Biz hərbi məsələlərə dair, o cümlədən Rusiya bazalarının Gürcüstan ərazisində fəaliyyəti və oradan çıxarılması müddəti barədə danışıqlar aparırıq”.

Nazir müavini hərbi bazaların Gürcüstan ərazisindən çıxarılması müddətinin müəyyən edilməsində Gürcüstanla Rusiya arasında fikir ayrılığı olduğunu vurğulamışdır: “Biz deyirik ki, 11 il lazımdır, Gürcüstan tərəfi isə deyir ki, sizə üç il vaxt veririk, çıxarın”.

O bildirmişdir ki, vaxtilə sovet qoşunları ADR-dən çixarılandakı kimi “çadırlar qurmaq” yox, əsaslı kazarmalar, hərbçilər üçün evlər tikmək və s. lazım gələcəkdir. Bütün bunlar isə böyük xərc tələb edir.

Loşşinin daha sonra demişdir: “Beləliklə, bizə danışıqlar aparmaq lazımdır. Əgər tərəfdaşlarımızın - Qərb ölkələrinin maliyyə yardımı tələb olunarsa, biz bu maliyyə köməyindən istifadə etməyə hazırıq. Lakin bu yardım real olmalıdır. Çünki amerikalılar nəqliyyat xərclərini ödəməyə hazır olduqlarını deyirlərsə, yüz milyonlarla xərc fonunda bu, qəpik-quruşdur”.

RUSİYA HƏRBİ BAZALARININ GÜRCÜSTANDAN ÇIXARILMASI NEÇƏYƏ BAŞA GƏLƏCƏK?

MÜƏLLİFLƏ ƏLAQƏ

Bölmənin digər xəbərləri