Rusiya məhkəməsi casusluqda ittiham olunan koreyalının həbs müddətini uzadıb
Bakı, 12 mart, AZƏRTAC
Moskvanın Lefortovo məhkəməsi Rusiyada casusluq ittihamı ilə saxlanılan Baek Von-Soonun həbs müddətini üç ay - iyunun 15-dək uzadıb.
AZƏRTAC TASS agentliyinə istinadla xəbər verir ki, özünü yazıçı kimi qələmə verən Cənubi Koreya vətəndaşı Baek Von-Soon messencer proqramı vasitəsilə dövlət sirri təşkil edən məlumatlar əldə etməkdə və onları xarici kəşfiyyat xidmətlərinə ötürməkdə ittiham olunur.
Qeyd edək ki, Baek Von-Soon 2024-cü ilin əvvəlində Rusiyanın Vladivostok şəhərində həbs edilib. Fevralın sonunda Moskvaya köçürülən koreyalı hazırda Lefortovo təcridxanasında saxlanılır.
Bölmənin digər xəbərləri
