RUSİYA OLİMPİYAÇILARININ MÜKAFATINDAN VERGİ TUTULMAYACAQ

27.07.2004 [21:42]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Rusiya idmançılarının Afinada keçiriləcək 2004-cü ilin Oyunlarında qazandıqları medallar üçün layiq görüldükləri pul mükafatlarından vergi tutulmayacaqdır. Bunu iyulun 27-də Rusiya Olimpiya Komitəsində bildirmişlər.

Rusiya idmançıları üçün belə vergi güzəştləri ilk dəfə 2000-ci ildə Sidney Olimpiadasında tətbiq edilmişdir.

Əvvəlki Oyunlardakı kimi, Afina Olimpiadasında da fərqlənmiş Rusiya idmançıları 1-ci yerə görə 50 min, 2-ci yerə görə 30 min, 3-cü yerə görə 20 min dollar alacaqlar.

Məşqçilər, həkimlər və massajçılar üçün də xüsusi mükafatlar nəzərdə tutulmuşdur. Onların da mükafatlarından vergi alınmayacaqdır.