Rusiya Prezidenti bu gün illik mətbuat konfransı keçirəcək
Moskva, 17 dekabr, AZƏRTAC
Rusiya Prezidenti Vladimir Putin dekabrın 17-si Moskva vaxtı ilə saat 12-də ənənəvi illik böyük mətbuat konfransı keçirəcək.
AZƏRTAC xəbər verir ki, bu il koronavirus pandemiyası ilə əlaqədar mətbuat konfransı videokonfrans formatında təşkil olunacaq.
Vladimir Putin bir neçə mətbuat mərkəzində yerləşdirilən jurnalistlərin suallarına Moskva vilayətindəki Novo-Oqaryovo iqamətgahından cavab verəcək.
Mətbuat konfransını “Rossiya-1”, “Rossiya-24”, “Perviy kanal”, “NTV” və “MİR” telekanalları ilə canlı izləmək mümkün olacaq.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
