Rusiya Prezidenti Vladimir Putinin Türkiyəyə səfəri təxirə salınıb
Moskva, 7 fevral, AZƏRTAC
Rusiya Prezidenti Vladimir Putinin Türkiyəyə səfəri təxirə salınıb.
AZƏRTAC xəbər verir ki, Kremlin mətbuat katibi Dmitri Peskov medianın yaydığı bu xəbəri təsdiqləyib.
O bildirib ki, Putinin Türkiyəyə səfərinə hazırlıq davam edir. Səfərin vaxtı barədə əlavə məlumat veriləcək. Peskov əlavə edib ki, səfərin vaxtı əvvəllər də rəsmən elan olunmamışdı.
Qeyd edək ki, Rusiya və Türkiyə mediası Putinin fevralın 12-də Ankaraya səfər edəcəyi barədə xəbər yaymışdılar.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
