Rusiyada bu il gəlir vergisi daxilolmalarının artması gözlənilir
Bakı, 16 dekabr, AZƏRTAC
Rusiya Federal Vergi Xidməti (FVX) cari ilin yekunları üzrə fiziki şəxslərin gəlir vergisində 2019-cu ilin göstəriciləri ilə müqayisədə 5-6 faiz artım olacağını proqnozlaşdırır.
AZƏRTAC xarici saytlara istinadla xəbər verir ki, koronavirus pandemiyası ilə əlaqədar hökm sürən böhran şəraitində vergi yığımında artıma nail olunmasını FVX əmək bazarının “ağardılması” və dövlətin “ağ biznesi” pandemiya dövründə dəstəkləməsi istiqamətində görülən tədbirlərlə əlaqələndirir.
Fiziki şəxslərin gəlir vergisində artım, həm də nominal əməkhaqqının artım göstəricisidir.
Rusiyada aparılmış sosial sorğunun yekunlarına əsasən, məşğul əhalinin 28 faizi “kölgə sektoru”nda çalışır və onlar dövlət dəstəyindən faydalana bilməyiblər. Rəyi soruşulanların yarıdan çoxu il ərzində maddi vəziyyətinin pisləşdiyini bildirib.
Bölmənin digər xəbərləri
