Rusiyada dron hücumları nəticəsində ölən və yaralananlar var
Moskva, 8 iyul, AZƏRTAC
Rusiya hava hücumundan müdafiə vasitələri dünən gecə bu ölkənin bölgələri, həmçinin Azov və Qara dənizlərin üzərində 415 Ukrayna dronunu ələ keçirərək məhv edib.
AZƏRTAC xəbər verir ki, bu barədə Rusiya Müdafiə Nazirliyi məlumat yayıb.
Rusiya hakimiyyət orqanlarının məlumatına görə, Saratov vilayətində dron hücumu nəticəsində bir nəfər ölüb, bir neçə sakin yaralanıb.
Rostov istiqamətində hərəkət edən iki boş tanker Taqanroq körfəzində zədələnib. Rostov vilayətinin qubernatoru vəzifəsini icra edən Yuri Slyusarın sözlərinə görə, iki nəfər yüngül xəsarət alıb. Gəmilərdən birinin heyəti təxliyə edilib. Neft dağılması baş verməyib.
Tatarıstanın Tukaevski rayonunda dron hücumu nəticəsində iki nəfər yaralanıb. Dronlar, həmçinin Nijnekamsk şəhərinə də hücum edib və orada yüngül xəsarət alanlar olub. Bir neçə müəssisəyə ziyan dəyib.
Voronej vilayətində dron hücumu infrastruktur obyektində yanğına səbəb olub.
Bölmənin digər xəbərləri
