Rusiyalı alim Mikrobiologiya İnstitutunda
Bakı, 1 aprel, AZƏRTAC
Rusiya Elmlər Akademiyasının “Biotexnologiyanın fundamental əsasları” tədqiqat mərkəzinin Mikrobiologiya İnstitutunun elmi işlər üzrə direktor müavini, biologiya elmləri doktoru, “Mikrobiologiya” jurnalının baş redaktoru Nikolay Pimenov Elm və Təhsil Nazirliyinin Mikrobiologiya İnstitutunda olub.
Bu barədə AZƏRTAC-a institutdan məlumat verilib.
Görüşdə Mikrobiologiya İnstitutunun baş direktoru, AMEA-nın müxbir üzvü Pənah Muradov qonağa rəhbərlik etdiyi elm müəssisəsinin fəaliyyət istiqamətləri və beynəlxalq əlaqələri barədə məlumat verib.
N.Pimenov institutun laboratoriyalarında aparılan elmi-tədqiqatlarla yaxından tanış olub.
Sonra müzakirələr aparılıb, əməkdaşlıq haqqında müqavilə bağlanmasına dair ilkin razılıq əldə edilib.
Bölmənin digər xəbərləri
