Rusiyanın Avropada dondurulmuş aktivlərinin taleyi necə olacaq?
Bakı, 13 aprel, AZƏRTAC
Avropa Komissiyasının hüquqşünasları Rusiya Mərkəzi Bankının Avropa İttifaqında dondurulmuş aktivlərinin Ukrayna müharibəsi başa çatdıqdan sonra Moskvaya qaytarılmalı olduğu qənaətinə gəliblər.
AZƏRTAC xəbər verir ki, “Die Welt” qəzeti bu barədə Avropa Komissiyasının dərc olunmayan sənədinə istinadla məlumat yayıb.
Nəşrin məlumatına görə, avropalı ekspertlər hüquqi nəzər nöqtəsinə görə, Rusiya Mərkəzi Bankının aktivlərinin Ukraynaya verilməsini düzgün hesab etmirlər. “Siyasi iradə var, lakin hüquqi maneələr yüksəkdir. Avropa Komissiyası belə nəticəyə gəlib ki, dondurulan aktivlərə toxunmaq olmaz. Çünki, vaxt gələcək, müharibə qurtaracaq və onları Moskvaya qaytarmaq lazım gələcək”, - deyə nəşr yazır.
Avropa Komissiyası bu məsələ ilə bağlı növbəti addımı təklif edir: Rusiyanın dondurulmuş aktivlərini Avropanın dövlət istiqrazlarına sərmayə kimi qoyaraq onların faizi ilə Ukraynaya yardım etmək. Dondurulmuş aktivlərin istiqrazlar üzrə illik gəliri 2,6 faiz həcmində qiymətləndirilir.
Bölmənin digər xəbərləri
