Rusiyanın Krasnodar diyarında 4,8 maqnitudalı zəlzələ qeydə alınıb
Moskva, 10 fevral, AZƏRTAC
Rusiyanın Krasnodar diyarının Novorossiysk şəhərindən təxminən 30 kilometr məsafədə 4,8 maqnitudalı zəlzələ qeydə alınıb. İnfrastruktura heç bir ziyan dəyməyib.
AZƏRTAC xəbər verir ki, bu barədə Novorossiysk meri Andrey Kravçenko məlumat verib. O bildirib ki, Vahid Dispetçer Xidmətinə zəlzələ barədə məlumat monitorinq mərkəzlərindən daxil olub.
Seysmik aktivlik 20 kilometrdən çox dərinlikdə və şəhərdən təxminən 30 kilometr məsafədə qeydə alınıb. Avropa-Aralıq dənizi Seysmoloji Mərkəzinin məlumatına görə, zəlzələnin gücü 4,8 bal olub.
Regional əməliyyat qrupu Novorossiysk və Anapa sakinlərinin də zəlzələni hiss etdiklərini bildirib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
