Rusiyaya gələn əcnəbilər loyallıq barədə saziş imzalayacaqlar
Moskva, 26 iyun, AZƏRTAC
Rusiyaya gələn əcnəbilər ölkədə yaşamaq və əmək fəaliyyəti ilə məşğul olmaq qaydalarına loyallıq barədə saziş imzalayacaqlar.
AZƏRTAC xəbər verir ki, bu barədə Rusiya DİN-in mətbuat xidməti məlumat yayıb.
Yeni qaydalar miqrasiya haqqında qanun layihəsinin konsepsiyasında nəzərdə tutulub və miqrantların məlumatlandırılması məqsədi daşıyır.
Loyallıq barədə saziş imzalayan miqrantlar qaydalar haqqında məlumatlandırıldıqlarını təsdiq etmiş olurlar. Eyni zamanda, miqrantlar qaydaları pozduqları təqdirdə Rusiyadan çıxarılacaqları zaman bütün xərcləri ödəməyi üzərlərinə götürməli olacaqlar. Ölkəyə vizasız qaydada gələn miqrantlar mütləq şəkildə daktiloskopik qeydiyyatdan keçəcəklər.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
