Saatlıda 20 Yanvar faciəsinin 22-ci ildönümünə həsr olunmuş “dəyirmi masa” keçirilmişdir
Saatlı, 18 yanvar (AZƏRTAC). Yanvarın 18-də Saatlı şəhərində 20 Yanvar faciəsinin 22-ci ildönümünə həsr olunmuş “dəyirmi masa” keçirilmişdir.
AZƏRTAC xəbər verir ki, Ailə, Qadın və Uşaq Problemləri üzrə Dövlət Komitəsinin və Saatlı Rayon İcra Hakimiyyətinin birgə təşkilatçılığı ilə keçirilən tədbirdə rayonun ziyalıları, yaşlı nəslin, gənclərin və ictimaiyyətin nümayəndələri iştirak etmişlər.
Tədbirdə 20 Yanvar şəhidlərinin xatirəsi bir dəqiqəlik sükutla yad edilmişdir.
“Dəyirmi masa”da Ailə, Qadın və Uşaq Problemləri üzrə Dövlət Komitəsi sədrinin müavini Sədaqət Qəhrəmanova, rayon icra hakimiyyəti başçısının müavini Reyhan Ocaqova və başqaları çıxış edərək 22 il əvvəl yanvarın 19-dan 20-nə keçən gecə SSRİ rəhbərliyi tərəfindən Bakı şəhərində günahsız insanlara qarşı törədilmiş faciənin dəhşətlərini yada salmış, bu qanlı hadisəyə yalnız ümummilli lider Heydər Əliyevin Azərbaycanda ikinci dəfə hakimiyyətə qayıdışından sonra siyasi-hüquqi qiymətin verildiyini diqqətə çatdırmışlar.
Bölmənin digər xəbərləri
