SABİRABADDA 15 MİN HEKTAR SAHƏNİN TAXILI YIĞILMIŞDIR
Sabirabad, 4 iyul (AZƏRTAC). Sabirabadda mövsümün əvvəlindən indiyədək 15 min hektar sahənin arpa və buğdası biçilmiş, xırmanlara 50 min tona yaxın məhsul daşınmışdır.
Rayonda daha 16 min hektar məhsulu biçilməmiş sahə qalır.
Rayon icra hakimiyyətində biçinə nəzarət məqsədi ilə yaradılmış qərargahdan bildirmişlər ki, sahələrə hər gün 80-dək kombayn, 120-dən çox digər texnika və nəqliyyat vasitəsi çıxarılır. Kombaynların nasazlıq halları 2 səyyar təmir briqadasının yardımı ilə dərhal aradan qaldırılır, yanğına qarşı təhlükəsizlik tədbirləri görülür.
Mütəxəssislərin rəyinə görə, rayon üzrə hər hektarın məhsuldarlığını azı 40 sentnerə çatdırmaq mümkün olacaqdır.
Bölmənin digər xəbərləri
