Salvadorda 50 milyon dollar dəyərində kokain daşıyan gəmi saxlanılıb
Bakı, 25 noyabr, AZƏRTAC
Salvador hüquq-mühafizə orqanlarının əməkdaşları respublika sahillərində iki ton kokaini müsadirə etməyə nail olublar.
AZƏRTAC xəbər verir ki, bu barədə ölkə prezidenti Nayib Bukele X sosial şəbəkəsində yazıb.
Onun sözlərinə görə, Estero de Jaltepeque körfəzindən 752 km cənub-qərbdə 3 kolumbiyalının 50 milyon dollar dəyərində narkotik vasitə daşıdığı gəmi saxlanılıb.
Bukele qeyd edib ki, son səkkiz ay ərzində Salvador hüquq-mühafizə orqanları beynəlxalq sularda təxminən 380 milyon dollar dəyərində olan 15 tondan çox kokain ələ keçirib.
Bölmənin digər xəbərləri
