SALYANDA 250 HEKTARDA YENİ MEYVƏ PLANTASİYASI SALINMIŞDIR
Salyan, 15 avqust (AZƏRTAC). Bu ilin birinci yarısında Salyan rayonunda 250 hektar sahədə yeni meyvə bağları salınmışdır. Bunun 109 hektarı üzüm, 141 hektarı isə nar, alma və digər meyvə bağlarıdır. Bununla da rayonda meyvə bağlarının ümumi sahəsi 1000 hektara çatdırılmışdır.
Rayonun Xələc, Kürsəngi və bir sıra digər kəndlərinin sahibkarları məşhur "Ağadayı" və "Kişmişi" üzüm növlərinin əvvəlki şöhrətini bərpa etmək niyyətindədirlər.
Salyanda kənd təsərrüfatı məhsullarını ilboyu saxlamağa imkan verəcək 12 min tonluq soyuducu anbar kompleksinin tikilməsi də meyvəçiliyə marağı artırmışdır.
Bölmənin digər xəbərləri
