ŞAMAXI FERMERLƏRİ YERLİ CİNSDƏN OLAN QARAMALIN DAHA MƏHSULDAR CİNSLƏRLƏ ƏVƏZ EDİLMƏSİNƏ MARAQ GÖSTƏRİRLƏR
Şamaxı, 15 noyabr (AZƏRTAC). Son illər Şamaxıda təsərrüfatın aparıcı sahələrindən olan heyvandarlığın inkişafı intensiv xarakter almışdır.
Şamaxı Ərazi Kənd Təsərrüfatı idarəsinin rəisi Nadir Qədirov bu bildirmişdir ki, ilin əvvəlindən bəri qaramalın sayı keçən ilin müvafiq dövründəkindən 281 baş artaraq 35412 başa çatmışdır. Heyvandar fermerlər yerli cinsdən olan mal-qaranın daha məhsuldar cinslərlə əvəz edilməsinə ciddi maraq göstərirlər. Mal-qaranın cins tərkibinin dəyişdirilməsi 2 istiqamətdə həyata keçirilir. Birincisi, yerli fermerlər daha asan və kütləvi olan süni mayalandırmaya üstünlük verirlər. Təsadüfü deyildir ki, son vaxtlar bu üsulla xeyli cins buzov əldə edilmişdir. İkincisi, xaricdən gətirilmiş cins dügələr alınır. Almaniyadan gətirilmiş və ayrı-ayrı fermerlər tərəfindən alınmış 10 baş simmental və ağ-qara cinsindən olan düyələrdən atrıq 11 baş sağlam buzov götürülmüşdür. Bu cinsdən olan inəklər gündə 20 -55 litr süd verməklə 500-600 kiloqram diri çəkiyə malikdirlər. Tövlə şəraitində bəslənən cins inəklərin yem rasionuna ciddi nəzarət olunması, onlara vaxtılı-vaxtında yüksək baytarlıq xidməti göstərilməsi xüsusi diqqət mərkəzində olmalıdır. Kənd Təsərrüfatı Nazirliyi yanında Dövlət Baytarlıq Xidməti bununla əlaqədar yerlərdə lazimi tədbirlər həyata keçirir.
Bölmənin digər xəbərləri
