Sankt-Peterburqda Xocalı soyqırımının ildönümü qeyd ediləcəkdir
Bakı, 23 fevral (AZƏRTAC). Fevralın 26-da Sankt-Peterburqda “Xocalıya ədalət” kampaniyası çərçivəsində Xocalı faciəsinə həsr olunmuş elmi-praktiki konfrans keçiriləcəkdir.
Azərbaycanın Sankt-Peterburqdakı Baş konsulluğundan AZƏRTAC-a bildirmişlər ki, tədbirdə alimlər, ali məktəb müəllimləri, görkəmli ictimai xadimlər, Azərbaycan diasporunun nümayəndələri və gənclər iştirak edəcəklər. Tədbiri konsulluq “Sankt-Peterburqun Azərbaycan diasporu” və “Azərbaycanlıların dostları cəmiyyəti - Naxçıvan” regional ictimai təşkilatları ilə birlikdə keçirəcəkdir.
Fevralın 27-də Rusiyanın Azərbaycanlı Gənclər Təşkilatının Sankt-Peterburq regional bölməsi baş konsulluğun dəstəyi, habelə azərbaycanlı tələbə və məktəblilərin iştirakı ilə Rusiya Milli Kitabxanasında “Xocalıya ədalət kampaniyasını dəstəkləyək” adlı tədbir keçiriləcəkdir. Tanınmış Rusiya alimi və yazıçısı, “Qarabağ gündəliyi” kitabının müəllifi Yuri Pompeyev məruzə ilə çıxış edəcəkdir.
Bölmənin digər xəbərləri
