Sarah Nandudu: İnklüziv inkişafa imkan verən siyasət həyata keçirməliyik
Bakı, 18 may, AZƏRTAC
İnklüziv inkişafa imkan verən siyasət həyata keçirməliyik. Bu səbəbdən hökumətlər, müxtəlif qeyri-hökumət təşkilatları bu prosesin bir hissəsi olmalıdır. Bizim müxtəlif icmaların irəli sürdüyü təşəbbüslərdən xəbərimiz var və məlumatlar artıq mövcuddur. Sözügedən məlumatları həll yolları üçün gecəqonduda yaşayan icmalarda tətbiq etmək mümkündür.
AZƏRTAC xəbər verir ki, bu sözləri Ümumdünya Şəhərsalma Forumunun 13-cü Sessiyasında (WUF13) liderlərin bəyanatları zamanı “Slum Dwellers International” təşkilatının nümayəndəsi Sarah Nandudu deyib.
O qeyd edib ki, maliyyə axını kanalları açılmalıdır. Çünki maliyyə hər kəs üçün əlçatan olmalıdır və təəssüf ki, bəzi icmalar bu maliyyə dəstəyini əldə edə bilmirlər. “Gəlin, birlikdə yaradaq və bu gecəqondularda yaşayan insanların həyat şəraitini düzəldək”,-deyə təşkilat nümayəndəsi bildirib.
Bölmənin digər xəbərləri
