Saypulla Absaidov sərbəst güləş üzrə Azərbaycan yığmasına baş məşqçi təyin edilib
Bakı, 21 dekabr, AZƏRTAC
Sərbəst güləş üzrə Azərbaycan yığmasının baş məşqçisi vəzifəsində dəyişiklik edilib.
AZƏRTAC Azərbaycan Güləş Federasiyasına istinadla xəbər verir ki, bundan sonra millimizi Saypulla Absaidov çalışdıracaq. 2009-2012-ci və 2015-2016-cı illərdə də əsas komandanın baş məşqçisi funksiyasını yerinə yetirən Saypulla Absaidov son iki ildə gənclərdən ibarət yığmada böyük məşqçi kimi fəaliyyət göstərib.
Dekabrın 21-də Azərbaycan Güləş Federasiyasının prezidenti vəzifələrini icra edən Namiq Əliyevin əmri ilə təcrübəli mütəxəssis yenidən böyüklərdən ibarət yığmanın baş məşqçisi təyin edilib. Millimizin sabiq çalışdırıcısı Firdovsi Umudov isə bundan sonra fəaliyyətini sərbəst güləş üzrə vitse-prezident kimi davam etdirəcək.
Bölmənin digər xəbərləri
