Səfir: Azərbaycana kənd təsərrüfatı sahəsində texnologiyalar gətirilməsinə töhfə verə bilərik
Bakı, 16 oktyabr, AZƏRTAC
“Azərbaycana ərzaq və kənd təsərrüfatı sahəsində texnologiyalar gətirilməsinə töhfə verə bilərik”.
AZƏRTAC xəbər verir ki, bunu İtaliyanın Azərbaycandakı səfiri Klaudio Taffuri ADA Universiteti və BMT-nin Ərzaq və Kənd Təsərrüfatı Təşkilatının (FAO) Azərbaycandakı Tərəfdaşlıq və Əlaqələndirmə Ofisinin təşkilatçılığı ilə Bakıda Ümumdünya Qida Günü münasibətilə və ADA Universitetində Kənd təsərrüfatı və qida elmləri fakültəsinin açılışına həsr olunmuş tədbirdə bildirib.
Səfir qeyd edib ki, iki ölkə arasında müxtəlif sahələr üzrə əməkdaşlığın artırılması üçün işlər görülür: "Ərzaq və kənd təsərrüfatı sahəsində əməkdaşlıq üçün imkanlar var. Dövlət nümayəndələrinin, özəl sektorların, vətəndaş cəmiyyətlərinin ərzaq təhlükəsizliyi ilə bağlı fəaliyyəti də xüsusi rol oynaya bilər".
Bölmənin digər xəbərləri
