“Şəhidlər unudulmur” mövzusunda söhbət təşkil olunmuşdur
Bakı, 20 yanvar (AZƏRTAC). Xəbər verildiyi kimi, Səbail Rayon Mərkəzləşdirilmiş Kitabxana Sistemi 20 Yanvar faciəsinin ildönümünə həsr olunmuş silsilə tədbirlər keçirir.
AZƏRTAC xəbər verir ki, MKS-in mərkəzi kitabxanasında “Şəhidlər unudulmur” mövzusunda söhbət təşkil olunmuşdur. Tədbirdə oxucular və kitabxananın kollektivi iştirak etmişdir. Çıxışlarda 20 Yanvar faciəsi, ölkənin, xalqın azadlığını, şərəf və ləyaqətini hər şeydən uca tutan mərd Vətən övladlarının canlarından keçərək şəhidlik zirvəsinə ucalması haqqında ətraflı məlumat verilmişdir.
Tədbir “Şəhidlər unudulmur” mövzusunda kitab sərgisi və “Qan yaddaşımız” adlı slaydla müşayiət olunmuşdur.
Həmçinin MKS-in 2 nömrəli filialında “Şəhid qanı ilə yazılan tarix” mövzusunda sərgi təşkil edilmişdir. Faciədən bəhs edən kitab, jurnal və qəzetlər oxucular tərəfindən maraqla izlənilmişdir.
Bölmənin digər xəbərləri
