Şəhidlərimiz müstəqilliyimiz uğrunda həlak oldular
Bakı, 20 yanvar (AZƏRTAC). Azərbaycan xalqı tarix boyu öz azadlığı uğrunda mübarizə aparmışdır. XX əsrin əvvəlində qazandığı müstəqilliyini itirsə də, əsrin sonunda yenidən suverenliyinə qovuşdu və ümummilli lider Heydər Əliyevin titanik fəaliyyəti sayəsində müstəqilliyimiz dönməz xarakter aldı.
Bu sözləri AZƏRTAC-a müsahibəsində şəhidlərin xatirəsini yad etmək üçün “20 Yanvar” dairəsindəki abidə kompleksinə gəlmiş Gədəbəy rayon sakini İshaq Həsənov demişdir. Onun sözlərinə görə 20 Yanvar kimi qanlı aksiyanın törədilməsinin səbəbi ondan ibarət idi ki, Azərbaycan imperiyanın tərkibində qalsın və onun malik olduğu təbii sərvətlər Sovet İttifaqının başqa xalqlarına xidmət etsin. Lakin Azərbaycan xalqı öz sərvətinə özü sahib olmaq istəyirdi. Şəhidlərimiz də bu amallar uğrunda həlak oldular. Gənc nəsil bilməlidir ki, bu gün yaşadığımız Azərbaycan dövlətinin müstəqilliyi şəhidlərin qanı bahasına əldə edilmişdir. Ona görə də şəhidlərin xatirəsi hər zaman, hər yerdə yad edilməlidir.
Bölmənin digər xəbərləri
