Şəhriyar Məmmədyarov “Oslo Esports Cup” turnirində üçüncü görüşünü keçirəcək
Bakı, 24 aprel, AZƏRTAC
Aprelin 24-də şahmat üzrə çempionlar turunun “Oslo Esports Cup” mərhələsində üçüncü turun oyunları keçiriləcək.
AZƏRTAC xəbər verir ki, nüfuzlu turnirdə Azərbaycan şahmatçısı Şəhriyar Məmmədyarov üçüncü qarşılaşmada Kanada təmsilçisi Erik Hansen ilə üz-üzə gələcək.
Qeyd edək ki, birinci turda vyetnamlı Le Quanq Liyemə qalib gələn şahmatçımız ötən turda Hindistan təmsilçisi Rameşbabu Praqnanandhaya uduzub.
Turnirin iştirakçıları hər turda rapid üzrə (15 dəqiqə + 10 saniyə) 4 partiyadan ibarət matçda mübarizə aparırlar. Yarış aprelin 28-dək davam edəcək.
Bölmənin digər xəbərləri
