ŞƏKİDƏ ƏLİL İDMANÇILAR YARIŞIRLAR
AZƏRTAC-ın müxbiri xəbər verir ki, noyabrın 10-da Şəki şəhərində Gənclər, İdman və Turizm, Əmək və Əhalinin Sosial Müdafiəsi nazirliklərinin birgə təşəbbüsü ilə keçirilən stolüstü idman oyunları üzrə Əlillərin 1-ci Ümumrespublika yarışlarının zona mərhələsinə start verilmişdir. Şəki şahmat məktəbində keçirilən yarışlarda Balakən, Zaqatala, Qax, Şəki, Oğuz, Qəbələ və İsmayıllı rayonlarını təmsil edən 56 əlil idmanın şahmat, dama, nərd və armreslinq növlərində yarışacaqdır. Zona mərhələsinin qalibləri dekabrın 15-də Bakıda keçiriləcək respublika birinciliyində iştirak etmək hüququ qazanacaqlar.
Bölmənin digər xəbərləri
