SƏKKİZ AYDA 2 MİLYON TONDAN ÇOX NEFT MƏHSULU İXRAC EDİLMİŞDİR
Dövlət Neft Şirkətindən (ARDNŞ) AZƏRTAC-a bildirmişlər ki, ARDNŞ-nin marketinq və iqtisadi əməliyyatlar idarəsi avqustda 180 min 737 ton neft məhsulu ixrac etmişdir. Ötən səkkiz ayda bu göstərici 2 milyon 180 min 576 tona bərabər olmuşdur. İlin əvvəlindən 1 milyon 8 min 215 ton dizel yanacağı, 716 min 751 ton soba mazutu, 216 min 871 ton avtomobil benzini, 174 min 888 ton təyyarə yanacağı, 29 min 965 ton birbaşa qovulmuş benzin, 23 min 902 ton sürtgü yağı və 9 min 983 ton neft bitumu ixrac edilmişdir.
Avqustda təyyarə yanacağının bir tonu 712,24 dollara, avtomobil benzininin bir tonu 695,60 dollara, dizel yanacağı 641,57 dollara, birbaşa qovulmuş benzin 592,66 dollara, mazutun bir tonu isə 311,47 dollara satılmışdır.
Bölmənin digər xəbərləri
