ŞƏMKİRDƏ DAHA BİR MƏKTƏB BİNASININ TİKİNTİSİ BAŞA ÇATMIŞDIR
Şəmkir rayon təhsil şöbəsindən AZƏRTAC-ın müxbirinə bildirmişlər ki, rayonun ümumtəhsil məktəblərində yeni dərs ilinə hazırlıq işləri başa çatdırılmışdır. Yay tətili müddətində 40-a yaxın məktəbdə təmir işləri aparılmış, bir neçə məktəbdə əlavə sinif otaqları tikilmiş, fənn kabinetləri daha da zənginləşdirilmişdir.
Cari dərs ili Dəllər Cırdaxan kəndinin məktəbliləri üçün daha yaddaqalan olacaqdır. Belə ki, kənddə inşa edilən 480 yerlik üçmərtəbəli məktəb binasında son tamamlama işləri görülür. Hazırda yeni təhsil ocağına müvafiq avadanlıq gətirilir.
Bölmənin digər xəbərləri
