Seneqal Azərbaycanın “ASAN xidmət” modelini dövlət idarəçiliyi sahəsində tətbiq edəcək
Bakı, 3 iyun, AZƏRTAC
Azərbaycanın Seneqal ilə 30 ilə yaxındır ki, diplomatik əlaqələri mövcuddur. Afrikanın fransızdilli ölkəsi olaraq, Seneqal Azərbaycanın mütərəqqi təcrübələrini öyrənməyə qərar verib. Seneqallılar Azərbaycanın dövlət xidmətləri sahəsində uğurlu modeli olan "ASAN xidmət" təcrübəsini öz ölkələrində dövlət idarəçiliyi və xidmətləri sahəsində tətbiq edəcəklər. Bu istiqamətdə biz "ASAN xidmət" olaraq onlara lazımi dəstəyi göstərəcəyik.
AZƏRTAC xəbər verir ki, bunu jurnalistlərə açıqlamasında Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev deyib.
O qeyd edib ki, bu gün Seneqal dövləti ilə Azərbaycanın "ASAN xidmət" brendinin bu ölkədə tətbiqi ilə bağlı memorandum imzalandı: "Bu, artıq ümumilikdə 30-a yaxın ölkəyə "ASAN xidmət" modelinin ixracı deməkdir. Afrikada isə Seneqal artıq 16-cı ölkədir ki, Azərbaycanın "ASAN xidmət" modelini öyrənir və bu modeli tətbiq edəcək", - deyə Ü. Mehdiyev qeyd edib.
Bölmənin digər xəbərləri
