“Sənətkarın dostu” layihəsi çərçivəsində növbəti görüş Gəncədə keçiriləcək
Bakı, 7 aprel, AZƏRTAC
Azərbaycan Respublikasının Mədəniyyət Nazirliyinin Elmi-Metodiki və İxtisasartırma Mərkəzinin təşkilatçılığı, Gəncə Regional Mədəniyyət İdarəsi və Fikrət Əmirov adına Gəncə Dövlət Filarmoniyasının dəstəyi ilə həyata keçirilən “Sənətkarın dostu” layihəsi çərçivəsində növbəti görüş aprelin 9-da Gəncədə baş tutacaq.
Mədəniyyət Nazirliyindən AZƏRTAC-a bildirilib ki, tədbirin qonağı Azərbaycan Respublikasının Xalq artisti, xanəndə Teyyub Aslanov olacaq.
Gəncə Dövlət Filarmoniyasında keçiriləcək görüşdə Teyyub Aslanov ifaçılıq sənətinin tarixi və inkişafı, milli musiqi mədəniyyətinin mühüm tərkib hissəsi kimi onun əhəmiyyəti, son illər bu sahəyə xüsusilə gənclər arasında artan maraq və tədris metodikası haqqında məlumat verəcək.
İnteraktiv şəkildə keçiriləcək görüş zamanı tamaşaçılar ifaçılıq sənətinə dair onları maraqlandıran sualları verə və ətraflı cavablar ala biləcəklər.
Bölmənin digər xəbərləri
