Serbiyada dəmir yolunda ammonyak sızması səbəbindən 7 nəfər xəstəxanaya yerləşdirilib
Bakı, 26 dekabr, AZƏRTAC
Serbiyada dəmir yolunda aşan bir neçə vaqondan ammonyak sızmasından sonra 7 nəfər zəhərlənmə və kimyəvi yanıq əlamətləri ilə Niş şəhərindəki xəstəxanaya yerləşdirilib.
AZƏRTAC TASS informasiya agentliyinə istinadla xəbər verir ki, xəstələrdən dördü reanimasiya, üçü toksikologiya bölməsindədir. Zərərçəkənlər arasında bir uşaq və yanğınsöndürən briqadasının nümayəndəsi də var. Həmçinin Pirot şəhərindəki xəstəxanaya 30-dan çox vətəndaş qaz zəhərlənməsi əlamətləri ilə müraciət edib. Onların çoxu ilkin tibbi yardımdan sonra evə buraxılıb.
Daha əvvəl verilən məlumata görə, dəmir yolunun Sopotski-Xan qəsəbəsinə yaxın olan Pirot-Staniçenye hissəsində ammonyakla dolu bir neçə vaqon aşıb. Nəticədə ammonyak sızması baş verib. Hüquq-mühafizə orqanları hadisə yerinə yaxın ərazidə yaşayan vətəndaşlardan evdən çıxmamağı xahiş edib. Həmin ərazidə yollar yaxşı görünmür. Pirot-Bela-Palanka istiqamətində avtomobillərin hərəkəti dayandırılıb, sürücülərə başqa yoldan istifadə etmək tövsiyə olunub.
Bölmənin digər xəbərləri
