Sergey Lavrov Moskvaya Avropadan müzakirəçilərin gəldiyini bildirib
Moskva, 24 iyun, AZƏRTAC
Rusiyanın xarici işlər naziri Sergey Lavrov Ukrayna ətrafındakı vəziyyətə siyasi və diplomatik həllin mümkün olduğunu bildirib.
AZƏRTAC xəbər verir ki, Rusiyanın xarici işlər naziri bu açıqlamanı “Primakov qiraətləri” beynəlxalq forumunda çıxışı zamanı verib.
O bildirib ki, bunun üçün “bölünməzlik prinsipinə əsaslanan konkret, hüquqi cəhətdən məcburi təhlükəsizlik zəmanətləri”, o cümlədən Rusiyanın qərb sərhədlərində təhlükəsizliyinin təmin edilməsi tələb olunur.
Xarici işlər naziri, həmçinin Rusiya tərəfinin Avropa İttifaqının nümayəndələri ilə əlaqələri olduğunu, Fransa və Böyük Britaniyadan olan müzakirəçilərin Moskvaya səfər etdiyini bildirib.
“Biz heç vaxt gəlib müzakirələr aparmaq üçün müraciətləri rədd etmirik”, - deyə Lavrov bildirib. O, həmçinin qeyd edib ki, Avropanın təklifləri konstruktiv olarsa, Moskva onları dinləməyə hazırdır.
Nazir, həmçinin amerikalı müzakirəçilər Stiv Uitkoff və Cared Kuşnerin Rusiyaya daha bir səfərinin mümkünlüyünün müzakirə olunduğunu da açıqlayıb. Onun sözlərinə görə, Rusiya tərəfi Eviandakı G7 sammitindən sonra ABŞ-nin mövqeyinin dəyişib-dəyişmədiyini anlamaq niyyətindədir.
Bölmənin digər xəbərləri
