SƏUDİYYƏ ƏRƏBİSTANI MƏCBURİ KÖÇKÜNLƏRƏ YARDIM GÖNDƏRMİŞDİR
AZƏRTAC xəbər verir ki, Səudiyyə Ərəbistanı Krallığı hökuməti Ermənistanın Azərbaycana hərbi təcavüzü nəticəsində məcburi köçkün vəziyyətinə düşərək, İmişlidə məskunlaşan soydaşlarımıza müqəddəs Qurban bayramı münasibətilə humanitar yardım göndərmişdir.
Dünya Ərzaq Proqramının (DƏP) ölkəmizdəki təmsilçiliyindən verilən məlumata görə, 800 kiloqram xurmadan ibarət yardım 2006-cı il yanvarın 4-də Səudiyyə Ərəbistanının Azərbaycandakı səfiri Əli Həsən Cəffər, DƏP-in Bakıdakı nümayəndəsi Rəhman Çodri və hökumət nümayəndələrinin iştirakı ilə məcburi köçkünlərə paylanılacaqdır.
