“Sevilya” ilk dəfə olaraq təqvim ili ərzində ev oyunlarında bir dəfə də uduzmayıb
Bakı, 17 dekabr, AZƏRTAC
“Sevilya” futbol klubu İspaniya çempionatının 16-cı turunda doğma divarlar arasında “Levante” ilə oyundan sülhlə (0:0) ayrılıb.
AZƏRTAC xəbər verir ki, Əndəlüs klubu öz tarixində ilk dəfə olaraq təqvim ili ərzində ev oyunlarında bir dəfə də uduzmayıb.
“Ramon Santes Pisxuan” stadionunda keçirilən 26 oyunda “Sevilya” 17 qələbə qazanıb, 9 görüşdə heç-heçə edib.
Hazırda “Sevilya” turnir cədvəlində beşinci yerdədir. Komanda UFEA Çempionlar Liqasının səkkizdəbir finalında “Mançester Yunayted”, İspaniya Kubokunun səkkizdəbir finalında isə “Kadis” ilə görüşəcək.
Bölmənin digər xəbərləri
