ŞEYX NƏSRULLA İSRAİL İLƏ MÜHARİBƏNİN YENİ MƏRHƏLƏSİNİ ELAN ETMİŞDİR
O demişdir: “Biz hərbi əməliyyatların yeni mərhələsinə başlayırıq. Odur ki, İsrailin Hayfadan o yanda yerləşən şəhərlərini bombalayacağıq. Bombardmanlarımızın sərhədləri yoxdur”. Nəsrulla İsrailin belə bir bəyanatını təkzib etmişdir ki, “Hizbullah” uzaqmənzilli raketlərə malik deyildir.
Bununla yanaşı, o bildirmişdir ki, “Hizbullah” siyasi diskussiyalar üçün açıqdır, yəni İsraillə hərbi qarşıdurmanı dayandırmağın şərtlərini müzakirə etməyə hazırdır. Lakin “Hizbullah” atəşin dayandırılmasının onun üçün həqarətli şərtlərinə heç vaxt razı olmayacaqdır.
Qruplaşmanın lideri demişdir ki, hətta “Hizbullah”ın döyüşçüləri iki israilli hərbi qulluqçunu oğurlamasaydılar belə, İsrail Livana basqın edəcəkdi. Onun məlumatına görə, bu əməliyyat cari ilin sentyabr-oktyabr ayları üçün planlaşdırılmışdı.
Bölmənin digər xəbərləri
