“Shamkir Chess 2019”: İlk turun qarşılaşmaları müəyyənləşib
Şəmkir, 30 mart, Səxavət Quliyev, AZƏRTAC
Azərbaycanlı qrossmeyster Vüqar Həşimovun xatirəsinə həsr olunan “Shamkir Chess 2019” superturnirinin martın 30-da püşkü atılıb.
AZƏRTAC xəbər verir ki, ilk turda Azərbaycan təmsilçilərindən Teymur Rəcəbov ağ fiqurlarla dünya çempionu norveçli Maqnus Karlsenlə üz-üzə gələcək. Şəhriyar Məmmədyarov isə qara fiqurlarla Rusiya təmsilçisi Aleksandr Qrişuka rəqib olub.
Digər partiyalarda isə Aniş Giri (Hollandiya) bolqarıstanlı Veselin Topalovla, rusiyalı Sergey Karyakin çinli Dinq Lirenlə, Vişvanatan Anand (Hindistan) Çexiya təmsilçisi David Navara ilə qarşılaşacaq.
Doqquz turdan ibarət “Shamkir Chess 2019”a aprelin 9-da yekun vurulacaq.
Bölmənin digər xəbərləri
