Şimali Koreya Rusiya–Ukrayna müharibəsində ölən hərbçilərin ailələri üçün kompleks açıb
Bakı, 16 fevral, AZƏRTAC
Şimali Koreya paytaxt Pxenyan şəhərində Rusiya–Ukrayna müharibəsində həlak olan hərbçilərin ailələri üçün yeni yaşayış məhəlləsinin tikintisini başa çatdırıb.
AZƏRTAC Koreya Mərkəzi Xəbər Agentliyinə istinadla xəbər verir ki, açılış mərasimində ölkə lideri Kim Çen İn iştirak edib və dövlətin ailələrə dəstəyini davam etdirəcəyini vurğulayıb.
Qeyd edək ki, Şimali Koreya 2025-ci ilin avqustunda Rusiyanın Kursk vilayətinə mina təmizləmə işlərində iştirak üçün təxminən 1000 hərbi mühəndis göndərib. Cənubi Koreya kəşfiyyat orqanlarının məlumatına görə, Pxenyan müharibə dövründə ümumilikdə 15 minə yaxın hərbçi göndərib və 2000-ə yaxın itki verib.
Xatırladaq ki, Şimali Koreya ilə Rusiya 2024-cü ildə qarşılıqlı hərbi dəstəyi nəzərdə tutan hərtərəfli strateji tərəfdaşlıq sazişi imzalayıb.
Bölmənin digər xəbərləri
