Şirin su ehtiyatlarının təxminən 70 faizi kənd təsərrüfatında istifadə olunur
Bakı, 16 oktyabr, AZƏRTAC
“Ümumdünya Qida Gününün qeyd olunmasının əsas məqsədi qidanın əhəmiyyətini qeyd etməkdir. Bu il Ümumdünya Qida Günü ilə bağlı keçirilən tədbirlərdə su mövzusuna toxunulacaq. Çünki, su olmasa, qida da olmayacaq. Dünyanın ən böyük su istifadəçisi kənd təsərrüfatıdır. Şirin su ehtiyatlarının təxminən 70 faizi kənd təsərrüfatında istifadə olunur”.
AZƏRTAC xəbər verir ki, bunu jurnalistlərə açıqlamasında FAO-nun Azərbaycandakı nümayəndəsi Nasar Hayat deyib. O qeyd edib ki, daha çox qida istehsal etmək məqsədilə sudan səmərəli və dayanıqlı istifadə etmək vacibdir. Gələcək nəsillər də şirin su mənbələrindən istifadə etməlidir.
FAO-nun Azərbaycandakı nümayəndəsi Kənd təsərrüfatı və qida elmi fakültəsinin açılışını məhz Ümumdünya Qida Günündə keçirdiyi üçün ADA Universitetinə təşəkkür edib.
Bölmənin digər xəbərləri
