Şirvanda qəza zamanı xəsarət alan piyadalar ambulator müalicəyə buraxılıb
Şirvan, 25 noyabr, Aydın Yavərzadə, AZƏRTAC
Şirvan şəhərində yol qəzasında piyadalar xəsarət alıb.
AZƏRTAC-ın bölgə müxbiri xəbər verir ki, hərəkətdə olan "VAZ" markalı minik avtomobili idarə etmədən çıxaraq yol kənarında dayanan avtomobillərə çırpılıb və daha sonra yolda olan 4 nəfəri vurub. Hadisə zamanı xəsarət alan Seymur İsrafilov, Bəxtiyar Nəzərov, Xətai Sadıqov, Cavidan Nəsirov Şirvan Şəhər Mərkəzi Xəstəxanasına çatdırılıb. Təcili təxirəsalınmaz tibbi yardım göstərildikdən sonra onlar ambulator müalicə üçün evə buraxılıblar.
Faktla bağlı araşdırma aparılır.
Bölmənin digər xəbərləri
