Son sutka ərzində Özbəkistanda daha 233 nəfər koronavirusa yoluxub
Daşkənd, 17 iyun, АZƏRTAC
Son sutka ərzində Özbəkistanda COVID-19 koronavirusuna yoluxanların sayı 233 nəfər olub. beləliklə indiyədək ölkədə bu virusa yoluxanların sayı 5561 nəfərə çatıb.
AZƏRTAC Özbəkistanın Səhiyyə Nazirliyinin mətbuat xidmətinə istinadla xəbər verir ki, indiyədək 4096 nəfər bu xəstəlikdən sağalıb, 19 pasiyent isə həyatını itirib. Hazırda xəstəxanalarda 1446 nəfər müalicə olunur, onlardan 16-sının vəziyyəti ağırdır.
İyunun 16-da Özbəkistan Prezidenti Şavkat Mirziyoyev keçirdiyi videomüşavirədə bildirib ki, ölkədə koronavirusla bağlı vəziyyət getdikcə mürəkkəbləşir. Belə ki, son bir həftədə Daşkənddə 551 nəfər virusa yoluxub ki, onlardan da 482-si şəhər sakinidir.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
