Stenfordun dünyaşöhrətli professoru “Yeni çağırışlar” proqramında
Bakı, 6 mart, AZƏRTAC
Martın 8-də “Yeni çağırışlar” müzakirə proqramında Stenford Universitetinin Yüksək Təhsil Pillələri İnstitutunun dekanı professor Den Şvaz qonaq olacaq.
AZƏRTAC xəbər verir ki, dünyaşöhrətli professor ilə “Öyrənməyin əlifbası” barəsində danışılacaq.
Professor Den Şvaz “Öyrənməyin əlifbası: elmi cəhətdən sübut edilmiş 26 yanaşma, onlar necə işləyir və nə zaman faydalıdır" adlı bestseller kitabının həmmüəllifidir. Həmçinin Stenfordun nəzdində Müstəsna adaptiv, qabaqcıl öyrənmə və davranış laboratoriyasının rəhbəridir. Bir sıra beynəlxalq nüfuzlu mükafatlara layiq görülüb.
Qeyd edək ki, proqram nazirliyin rəsmi feysbuk səhifəsi üzərindən “T-Network”ün rəhbəri, təhsilin idarəolunması üzrə mütəxəssis Cəfər Mənsiminin təqdimatında Azərbaycan dilinə tərcümə ilə canlı yayımlanacaq.
Bölmənin digər xəbərləri
