Strasburqda Xocalı soyqırımı ilə əlaqədar yürüş keçiriləcəkdir
Bakı, 17 fevral (AZƏRTAC). Fevralın 24-dən 26-dək Strasburqda Azərbaycanlıların və digər Türkdilli Xalqların Əməkdaşlıq Mərkəzi (ATXƏM) və Strasburq “Azərbaycan Evi” Fransada fəaliyyət göstərən türk diaspor təşkilatlarının dəstəyi ilə Xocalı soyqırımının 20-ci ildönümü ilə bağlı silsilə tədbirlər keçirəcəkdir.
ATXƏM-dən AZƏRTAC-a bildirmişlər ki, “Xocalıya ədalət” beynəlxalq kampaniyası çərçivəsində fevralın 25-də Strasburqun Kleber meydanında mitinqin də keçirilməsi nəzərdə tutulmuşdur.
Tədbirlərdə ATXƏM-in sədri İlham İsmayılov, Prezident Administrasiyasının ictimai-siyasi şöbəsinin sektor müdiri Qafar Əliyev, Milli Məclisin deputatı Rauf Əliyev, Milli QHT Forumunun prezidenti Rauf Zeyni, “Dağlıq Qarabağ Bölgəsinin Azərbaycanlı İcması” İctimai Birliyinin idarə heyətinin üzvü, Xocalı faciəsinin şahidi Cavid Əliyev və başqaları iştirak edəcəklər.
ATXƏM və Strasburq “Azərbaycan Evi” 2010-cu və 2011-ci illərdə də Xocalı faciəsinin ildönümü ilə bağlı Strasburqda mitinqlər keçirmişdir.
Bölmənin digər xəbərləri
