Strasburqdakı “Azərbaycan evi” 20 Yanvar faciəsinin 22-ci ildönümü ilə bağlı tədbir keçirmişdir
Strasburq, 24 yanvar (AZƏRTAC). Strasburqda fəaliyyət göstərən “Azərbaycan evi” xalqımızın tarixinin qanlı səhifəsinə çevrilmiş və yaddaşlarda əbədiləşmiş 20 Yanvar faciəsinin 22-ci ildönümü ilə bağlı tədbir keçirmişdir.
Tədbir ölkəmizin himni ilə başlamışdır. Əbədiyyətə qovuşmuş 20 Yanvar şəhidlərinin xatirəsi bir dəqiqəlik sükutla yad edilmiş, müdhiş gecənin dəhşətli anlarından bəhs edən sənədli film nümayiş etdirilmişdir.
“Azərbaycan evi”nin sədri Mustafa Alınca çıxış edərək 1990-cı ilin yanvarında baş vermiş faciəni Azərbaycan xalqının azadlığını boğmaq kimi dəyərləndirmiş, vəhşiləşmiş sovet ordusunun dinc əhaliyə görünməmiş amansızlıqla divan tutduğunu xatırlatmış, müstəqillik yolunda həlak olanların xatirəsinin daim yaşayacağını bildirmişdir.
Mərasimin sonunda şəhidlərin ruhuna dualar oxunmuş və ehsan verilmişdir.
Əsgər Əliyev
AZƏRTAC-ın xüsusi müxbiri
Strasburq
Bölmənin digər xəbərləri
