“Sumqayıt” çimərlik futbolu üzrə superliqada “Zirə” ilə qarşılaşıb
Sumqayıt, 22 iyul, AZƏRTAC
İyulun 21-də Azərbaycan çimərlik futbolu üzrə superliqa yarışlarına start verilib. Su İdmanı Sarayı ərazisində yerləşən çimərlik meydançasında “Zirə”, “Sumqayıt”, “Neftçi” və “Səbail” komandaları arasında keçirilən superliqa avqustun 5-dək davam edəcək.
“Sumqayıt” futbol klubunun mətbuat xidmətindən AZƏRTAC -a bildirilib ki, superliqanın açılış oyununda “Sumqayıt” “Zirə” ilə qarşılaşıb. Maraqlı idman mübarizəsi şəraitində keçən qarşılaşma rəqib komandanın 2-1 hesablı qələbəsi ilə nəticələnib.
Qeyd edək ki, “Sumqayıt” superliqanın 2-ci turu çərçivəsində iyulun 22-də saat 17:30-da “Neftçi” ilə qarşılaşacaq.
Bölmənin digər xəbərləri
