“Sumqayıt” futbol klubu “Adana Demirspor”la yoxlama oyunu keçirib
Sumqayıt, 26 iyul, AZƏRTAC
2017/2018-ci il futbol mövsümünə hazırlaşan “Sumqayıt” klubu hazırlığın ikinci mərhələsi üçün yollandığı Türkiyənin Bolu rayonunda növbəti oyuna çıxıb.
Klubun mətbuat xidmətindən AZƏRTAC-a bildirilib ki, komanda iyulun 25-də axşam məşqi əvəzinə Türkiyənin 1-ci liqa təmsilçisi “Adana Demirspor”la yoxlama oyunu keçirib. Görüş Türkiyə təmsilçisinin 2:1 hesablı qələbəsi ilə yekunlaşıb. Oyunda komandamızdan yeganə qolu Rəşad Eyyubov vurub.
Qeyd edək ki, “Sumqayıt” Türkiyədə son yoxlama oyununu iyulun 28-də Səudiyyə Ərəbistanı təmsilçisi “Al-Taawoun” komandasına qarşı keçirəcək.
Bölmənin digər xəbərləri
