Sumqayıt kimyaçıları 600 şərq çinarı və müxtəlif meyvə ağacları əkiblər
Sumqayıt, 3 noyabr, AZƏRTAC Azərbaycan Respublikası Dövlət Neft Şirkətinin (ARDNŞ) “Azərikimya” İstehsalat Birliyinin (İB) kollektivi növbəti şənbə iməciliyi keçirib. İməcilikdə Birliyin yüzlərlə işçisi iştirak edib.
Bu barədə AZƏRTAC-a “Azərikimya” İB-nin mətbuat xidmətindən məlumat verilib. İməcilik zamanı etilen-polietilen zavodunun qaz və maye karbohidrogenlərin qazlaşdırılması, sıxılması və saxlanılması sahəsinin yaşıllıq zonası üçün ayrılmış 4 hektarlıq ərazidə 600 Şərq çinarı və müxtəlif meyvə ağacları əkilib.
Kimyaçılar şənbə iməciliklərini payız mövsümünün sonuna qədər davam etdirməyi qərara alıblar.
Bölmənin digər xəbərləri
